- 32 -

1463. November 17.

In nomine domini amen. Ut rerum gesta perpetuam memoriam habeant ne propter temporis diuturnitatem oblivioni tradentur et inposterum deperirentur et anullari possent, nisi talia litterarum testimonio roborentur. Nos igitur Mathias divina providencia Abbas monasterij in Gemilnicz ordinis Cisterciensis totusque Conventus prefati ordinis Recognoscimus tenore presencium tam presentibus quam futuris Quia de consilio fratrum nostrorum vendidimus Ortum desertum Iacobo alias Iachnowy et sue Conthorali legitime suisque successoribus legitimis, situm inter Petrasschium Sartorem ex una et inter Barthossium dictum Trunth parte ex altera pro quinque marcis denariorum monete consuete, et iam in parata pecunia nobis soluturum. Eundemque ortum ipse Iachen et uxor sua suique legitimi successores tenebunt et possidebunt liberum ab omni onere solucione et Servitute excogitata seu excogitanda. De quo quidem orto Iachen et sui posteri tenebuntur nobis et nostris successoribus solvere duos pullos perpetuis temporibus ad festum beati Iacobi Apostoli. Eciam predictum Ortum ipse Iachen et sui successores tenebunt et possidebunt pacifice et quiete ab omni impedimento Eundemque ortum possunt vendere permutare et dare et in usus beneplacitos convertere iuxta eorum voluntatem. In huius rei testimonium presentem litteram Sigillis nostris videlicet Abbaciali et Conventuali iussimus roborare subappensis. Acta sunt hec et data in Gemilnicz feria quinta ante festum beate Elysabeth Anno domini Millessimo Quadringentessimo Sexagesimo tercio presentibus ibidem Gregorio Chudi molendinatore in Ganszrowicz, Nicolao Pasztha, Wechnone Tabernatore, Petro Drosd, Pechone coincolis et kmethonibus nostris et domino Nicolao plebano ibidem qui presencia habuit in cominisso.

Die Siegel sind in grünem Wachs; das des Abtes ist elliptisch und zeigt den Abt sitzend mit der Umschrift: s. mathie. abbat i. gem.... Das Conventsiegel, dasselbe wie pag. 95, ist rund, und zeigt die Mutter Gottes in einem gothischen Bau mit der Umschrift: S. CONVENTVS. S. MARIE. D. GEMELNICZ.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 2, Urkunden der Klöster Rauden und Himmelwitz, der Dominicaner und Dominicanerinnen in der Stadt Ratibor. Hrsg von dr. W. Wattenbach, Breslau 1859.